Contact us

Thlawhna Service Indaihlohna Chinfel Tum
Indaihlohna Chinfel TumTun thla tir lama Jet Airways in Mizoram an chhuahsan avanga mipui harsatna sutkian dan zawngin Governor Kummanam Rajasekharan chuan Delhi-ah Union Aviation Minister leh Aviation thuneitu sang te a hmu a. He inkawmnah hian Governor ngenna angin Union Aviation Minister Pu Suresh Prabhu chuan Thlawhna service indaihlohna avanga Mizoram mipui harsatna chu a rang lama chinfel a tiam a ni.

Union Aviation Minister chuan Mizo mipuite harsatna sukiang turin theihtawp a chhuah tur thu leh Thlawhtheihna hmanga inkalpawhna changtlung zawk Hmarchhak bialchhunga chhawp chu sawrkar thil ngaih pawimawhber pakhat a nih thu a lo sawi a ni.

Tunhnaiah Jet Airways in Mizoram an chhuahsan avangin state mipui ten Guwahati leh Delhi pan turin harsatna an tawk nasa tih Governor chuan Aviation thuneitute hi a hrilh a. State dangte nena Inkalpawhna a that tawk loh avangin Mizoram chu hmun kilkhawrah a awm nia sawiin Delhi dawr zung zung pawh an harsat phah tel bawk nia a hriat thu te pawh a sawi bawk a ni. A bik takin damlohna avanga Phai lam pan ngai Damlo te tan Thlawhna Service a chatlak ta chu a pawi leh zual bik a. Tunah pawh Damlo chhungkaw tam takin harsatna an tawk mek a ni a ti. Aizawl leh Guwahati inkar bakah Aizawl leh Delhi inkarah thlawhna service pangngai a awm leh theihnan Air India chu Thlawhna Service dahbelh tir leh turin Aviation hotute hi a ngen a. Air India bakah Thlawhtheihna Service Company dangte pawh Mizoramah an rawn luh theihnan Union Aviation Minister chu hma la turin a ngen nghal bawk a ni.

Tun dinhmunah, Indigo chu Agartala leh Aizawl inkar thlawk thin turin a inpeihfel thawkhat tih sorkar thuchhuah ah tarlan a ni bawk a ni.

0 Reviews:

Post a Comment